LIVEnews.am-ի «Երկրորդ կարծիք» հաղորդաշարի հյուրն է հոգեբան Կարինե Նալչաջյանը։ Վերջերս Գևորգ Դանիելյանի, Արամ Սաթյանի, Հայկ Նահապետյանի, Կարինե Նալչաջյանի, Ռուբեն Մելքոնյանի, Արա Զոհրաբյանի նախաձեռնությամբ ձևավորվել է «Ազգային արժեքների պաշտպանություն» նախաձեռնության համակարգող խումբ, որը հայ ազգի հոգևոր-բարոյական անվտանգությանը սպառնացող ռիսկերը չեզոքացնելու նպատակով նախաձեռնել է ազգային արժեքների պաշտպանությանը վերաբերող օրենքի նախագիծ՝ «Հայաստանյայց Առաքելական Սուրբ Եկեղեցու, հայոց լեզվի, մշակութային ժառանգության, ընտանիքի և մանկության պաշտպանության հիմունքների մասին»։ Նախագիծը դրվելու է հանրային քննարկման և ստորագրահավաք է կազմակերպվելու, ի՞նչ ակնկալիքներ կան այս նախագծի հետ կապված, քանի որ մենք տեսնում ենք, որ օրվա իշխանություններն իրենք են նախաձեռնում ու սատարում այն բոլոր մարտահրավերներին, որոնք այսօր ծառացել են ազգային արժեքների առաջ։ Հայաստանում սկսված ապազգային գործընթացներին ինչպե՞ս կարելի է դիմակայել, ժողովուրդը գիտակցո՞ւմ է դրա կարևորությունը։ Կարինե Նալչաջյանի դիտարկմամբ՝ հասարակությանը կառավարելու համար լուրջ մեխանիզմներ են գործի դրվում, ստեղծվել է կառավարելի քաոս, որում հասարակությունը հեշտությամբ տրվում է մանիպուլյացիաների։ Մեզ փորձում են համոզել, թե հետամնաց ենք, քարանձավային, անհաս, այդ պատճառով երջանիկ հասարակություն չենք, և մեր քաղաքացիական ու մարդկային գիտակցությունը վերափոխելու ծրագրեր են իրականացվում։ Ո՞րն է դրանց նպատակը։ Դրա համար իշխանություններն արդեն «բարեփոխումներ» են նախաձեռնել կրթական ոլորտում, որոնց վերջնանպատակը, ըստ հոգեբանի, մուտանտների կերտումն է, անհասկանալի սերնդի, որը չի ունենա հայրենիք, ազգություն, սեռ, դավանանք․․․ Անդրադարձանք նաև Լանսարոտեի և Ստամբուլյան կոնվենցիաների վտանգներին։ Մանրամասները՝ տեսանյութում
